Michael

It's the best steak mince for Michael,
Aye it's only the best for Mick,
Ma daddy near faints when he sneezes,
An' goes aff his heid when he's sick,
Ah'm fed up wi' jaikets an' troosers
Cut doon frae ma daddy's aul' suits,
But Mick got a coat for his Christmas,
Forbye he got two perra boots.

Yon night ah wiz shiverin' an' sweatin',
It wiz through gettin' soaked ah suppose,
Ma mammy said - he's got a temperature!
An' ma daddy felt Michael's nose.

Sit back frae the fire! says ma daddy,
Let Michael streitch oot on the rug!
Aye, Michael's a durrty big greyhound,
An ah get the life o' a dug!

by James Copeland